KEHRAUS!

KEHRAUS!

Schluss mim Fasching, jetz werd’s ERNST đŸ„ł: Im ISARWERK is nĂ€mlich jetz scho Zeit fĂŒr den FrĂŒhjahrsputz! Manche hams vielleicht scho mitkriagt: Ab Mitte Februar werd a lĂ€ngst ĂŒberfĂ€lliger Schritt do, mei Bajuwarisches Oziagzeig werd ab dann nĂ€mlich exklusiv von mir in MĂŒnchen produziert und von dort aus verschickt! đŸ’Ș😎

FĂŒr den Moment hoaßt des konkret, dass i mei Sortiment leider a bissl ausmistn muas und a die Auswahl zerscht amoi a weng verkleinert und verfeinert werd 👌 Des werd manche zwar ned schmecka, aber die GrĂ¶ĂŸen ĂŒber 3XL fliang dabei genauso naus, wia a die Hoodies. Letztere zumindest vorerst – ab Herbst 2020 werd i di wieder mit ins Programm nemma.

 

Nei is a, dass alle Shirts in „Unisex“ erhĂ€ltlich san – und des hod freilich nix mit der Geschlechtergleichstellung zum doa 😉 I verkaff einfach deutlich mehr Herren- als Damenshirts, und der geniale Unisex-Schnitt steht sowoi de Buam ois a de Madln gleichermaßen guad! Die Damen bittschön einfach a Nummer kleana b’schtĂ€in, dann miassat’s bassn.

 

Ned bĂ€s sei, aber i muas a wirtschaftlich denga und kann’s drum ned am jedn recht macha. Wenn i fĂŒr Mandal & Weibal Textilien in alle Farben und von XXS bis 5XL am Lager hom dad, rechnet si des fĂŒr mi einfach nimmer. Und i wissat a gar ned, wohi mit dem ganzn Graffe! 😅

 

DafĂŒr werd’s nach und nach a neie Sachan gem: Zerscht wern die Textilien no vui hochwertiger sei, ois des eh scho da Foi war. Umweltschonend produzierte Biobaumwolle von STANLEY/STELLA, so ungefĂ€hr as beste, wos auf'm Markt is: Fein gewebt, dabei fest und griffig, und schee weich auf da Haut. Und no dazua fair g'handelt! Des schlogt si zugegeben a im Preis nieder, aber bei der QualitĂ€t host du dafĂŒr umso lĂ€nger Freid an deim Zeig. Und obendrein no a guads G’wissn!

 

Die Farbpalette werd aufgfrischt, und zwar ned nur bei de Stoffe. Weil i mei Oziagzeig jetzat sĂ€iwa druck, werdn a die Motive hier und da a weng farbiger und auf die jeweilige Shirtfarbe abgstimmt sei. Bis zum Sommer soin dann no Kappis mit Aufdruck dazuakemma (de SchirmmĂŒtzn hoid, woaßt scho), geplant san außerdem leichte Sweatshirts und coole Raglan-Shirts 😎

 

I bin jetz grod no am Feinschliff – die ellenlange ToDo-Liste der letzten Wochen werd immer weniger, und i kann eigentlich sĂ€iwa no ned glamm, dass’ jetz boid losgeht! So a komische Mischung aus freudiger Erwartung und a weng Schiß, dass beim Start a hoffentlich ois guad geht! 😅

 

In diesem Sinne, pack mas o: 
Der ISARWERK-Shop bleibt daher in der Zeit vom 3. bis 7. Februar GESCHLOSSEN, damit i hinter de Kulissen no in Ruhe werkeln ko.

 

Ab Samstag, den 8. Februar gehts dann los! 👍 I g’frei mi wenn i mei Stammkundschaft von der besseren QualitĂ€t und meim persönlichen Service ĂŒberzeugen ko, und dadurch hoffentlich no vui neie Kunden dazua kriag! 😄

 

LG derweil
Manuel vom isarwerk.shop
×